 |
||
|
||
 |
ԱԿՈՒՄԲԻ ՄԱՍՆԱԿԻՑՆԵՐ
Ջեսափի ակումբի մասնակիցների առաջին ժողովին հրավիրվել էին նրանք, ովքեր կանգնած են եղել կազմակերպիչների կողքին մրցույթի հիմնադրման իսկ պահից, մասնակցել են մրցույթին կամ աջակցել նրա կազմակերպման ու կայացման գործում: Ջեսափի ակումբի առաջին մասնակիցների թվում են ինչպես արդեն կայացած իրավաբաններ` տարբեր պետական մարմինների աշխատակիցներ, փաստաբաններ, հասարակական կազմակերպությունների ներկայացուցիչներ, այնպես էլ նախկին ջեսափականներ ու ուսանողներ, որոնք մասնակցել են մրցույթին:
Հաշվի առնելով ակումբի նպատակները և գիտակցելով, որ Ջեսափի մրցույթի կայացումն ու ակումբի գործունեության մյուս ուղղությունների արդյունավետ իրագործումը կախված է ոչ միայն բանիմաց իրավագետներից, այլ նաև այլ բնագավառների հմուտ ու կայացած մասնագետներից` ակումբի կանոնակարգը չի սահմանափակում ակումբի մասնակիցների շրջանակը:
Ակումբի մասնակից կարող է դառնալ յուրաքանչյուր ոք, ով որևէ ներդրում է ունեցել Հայաստանում Ջեսափի մրցույթի կայացման գործում կամ այլ կերպ հետաքրքրված է ակումբի գործունեությամբ: Հայաստանի Ջեսափի ակումբի կանոնակարգը սահմանում է, որ ակումբի գործունեությանը կարող է մասնակցել յուրաքանչյուր ոք, ով հանդիսացել է Ջեսափի մրցույթի դատավոր, դատավորի օգնական, մասնակցել է մրցույթին թիմերի կազմում կամ ընդհանրապես հետաքրքրված է ակումբի նպատակներով և գործունեությամբ:
